ជំនួសមុខឲ្យក្រុមគ្រួសារនៃសព និងជាតំណាង លោក ហ៊ុន សុខា ប្រធានក្លឹប ខ្ញុំបាទ លាង សុភ័ក្ត្រ អគ្គលេខាធិការ នៃក្លឹបអ្នកកាសែតឯករាជ្យ (ក.អ.ឯ) សូមថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តដ៏ថ្លៃថ្លាសប្បុរសរបស់ ឯកឧត្តម លោកប្រធាន និងលោកចាងហ្វាងដែលបានចូលរួមរំលែកមរណទុក្ខជាមួយក្រុមគ្រួសារនៃសព លោក ឌិន ណារិទ្ធ សមាជិក ក្លឹបអ្នកកាសែតឯករាជ្យ (ក.អ.ឯ) និងជា ចាងហ្វាងកាសែត កោះឯករាជ្យ រួមនឹងថវិកាផ្ទាល់ខ្លួន ដែលមានរាយនាម ដូចខាងក្រោម៖
១-ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ថវិកាចំនួន ២០០ដុល្លារ
២-ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ថវិកាចំនួន ២០០ដុល្លារ
៣-ឯកឧត្តម ប៊ុត បូវុត ប្រតិភូរាជរដ្ឋាភិបាលទទួលបន្ទុក អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន ថវិកាចំនួន ១០០.០០០រៀល
៤-ឯកឧត្តម ផុស សុវណ្ណ អគ្គនាយក នៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន ថវិកាចំនួន ៥០០.០០០រៀល
៥-ឯកឧត្តម ឃីម រ័ត្ន ទីប្រឹក្សាក្រសួង និងជាអគ្គនាយករង នៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន ថវិកាចំនួន ១០០.០០០រៀល
៦-លោក ហ៊ុន សុខា ប្រធានក្លឹបអ្នកកាសែតឯករាជ្យ (ក.អ.ឯ) ថវិកាចំនួន ៦០០.០០០រៀល ( បុណ្យសពចំនួន ៣០០.០០០រៀល និងបុណ្យគម្រប់ ៧ថ្ងៃ ចំនួន ៣០០.០០០រៀល)
៧-លោក ខ្វៃ អាទិត្យា អគ្គនាយករងទូរទស្សន៍ជាតិកម្ពុជា (ទ.ទ.ក) ថវិកាចំនួន ៨០.០០០រៀល
៨-លោក ឡេង គឹមស្រុង ប្រធានផ្សារអូរឫស្សី រាជធានីភ្នំពេញ ថវិកាចំនួន ២០ដុល្លារ
៩-លោក សាំង សុង អគ្គនាយកស្ថានីយទូរទស្សន៍អនឡាញ មហាជន ថវិកាចំនួន ១០ដុល្លារ
១០-លោក ថៃ ប៊ុនរឹទ្ធិ ចាងហ្វាងកាសែត និស្សិតក្មេងវត្ត ថវិកាចំនួន ៤០.០០០រៀល
សូម ឯកឧត្តម លោកប្រធាន និងលោកចាងហ្វាងទទួលនូវការគោរពដ៏ខ្ពង់ខ្ពស់អំពីខ្ញុំ ព្រមទាំងជួបប្រទះតែសេចក្តីសុខក្សេមក្សាន្ត និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សូមអគុណ!!
សូមបញ្ជាក់ថា លោក ឌិន ណារិទ្ធ សមាជិកក្លឹបអ្នកកាសែតឯករាជ្យ (ក.អ.ឯ) និងជាចាងហ្វាងកាសែត កោះឯករាជ្យ បានទទួលមរណភាពកាលពីវេលាម៉ោង១១:៥០នាទីយប់ ថ្ងៃចន្ទ ១០រោច ខែជេស្ឋ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៩ ខែមិថុនា ឆ្នាំ២០១៧ ក្នុងជន្មាយុ ៥៦ឆ្នាំ ដោយរោគាពាធ ស្ថិតក្នុងភូមិត្រពាំងកក់ ឃុំទ្រា ស្រុកកណ្ដាលស្ទឹង ខេត្តកណ្ដាល។
កម្មវិធីបុណ្យគម្រប់ ៧ថ្ងៃ ៖ ថ្ងៃសៅរ៍ ១កើត ខែជេស្ឋ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៤ ខែមិថុនា ឆ្នាំ២០១៧ វេលាម៉ោង ០២រសៀល ជួបជុំពុទ្ធបរិស័ទ បងប្អូនញាតិមិត្តជិតឆ្ងាយទាំងអស់ប្រារព្ធពិធីបទនមស្ការព្រះរតនត្រៃ សម្មាទានសីល រួចនិមន្តព្រះសង្ឃចំរើនព្រះបរិត្ត និងសំដែងធម្មទេសនា។ លុះព្រឹកឡើងថ្ងៃអាទិត្យ ២កើត ខែជេស្ឋ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមិថុនា ឆ្នាំ២០១៧ វេលាម៉ោង ០៦:៣០នាទីព្រឹក ប្រគេនយាគូដល់ព្រះសង្ឃ លុះម៉ោង ០៩ព្រឹក ធ្វើពិធីរាប់បាត្រព្រះសង្ឃ បង្សុកូល បន្ទាប់មកវេរភត្តាហារ និងទេយ្យវត្ថុប្រគេនព្រះសង្ឃជាកិច្ចបង្ហើយបុណ្យ។
ដោយសារ ក្រុមគ្រួសារសពមានជីវភាពក្រីក្រពេក ពិធីបុណ្យ ៧ថ្ងៃនឹងធ្វើនៅក្នុង វត្តព្រែកឫស្សី ស្ថិតនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល។
