ខេត្តតាកែវ-ដោយ:សុភ័ក្ត្រ
កម្លាំងសមត្ថកិច្ចចម្រុះស្រុកគិរីវង់ រួមមានកងកម្លាំងប្រដាប់អាវុធទាំងបីប្រភេទ (នគរបាល កងរាជអាវុធហត្ថ និងទាហាន) និងមន្ត្រីការិយាល័យកសិកម្មស្រុកដឹកនាំដោយ លោក ស៊ុត ខុន អភិបាលស្រុក ចុះធ្វើការបង្ក្រាប និងដុតបំផ្លាញចោលទីតាំងលួចលាក់ដាំដើមកញ្ឆាចំនួន ២២.៤១៨ដើម។
ប្រតិបត្តិការចុះបង្ក្រាប និងដុតបំផ្លាញចោលដើមកញ្ឆាបានធ្វើឡើងនៅថ្ងៃទី១០ ខែកុម្ភៈ ឆ្នាំ២០១៧ ក្រោយពីប្រជាពលរដ្ឋនាំគ្នាលួចលាក់ដាំដោយខុសច្បាប់នៅចំណុចភូមិព្រៃធំ និងភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ។
សូមបញ្ជាក់ថា នេះជាលើកទីពីរហើយក្នុងសប្តាហ៍នេះដែលអាជ្ញាធរស្រុកគិរីវង់ចុះបង្ក្រាប និងដុតបំផ្លាញចោលនៅទីតាំងលួចលាក់ដាំដើមកញ្ឆាដោយខុសច្បាប់រាប់សែនដើម៕
