ខេត្តកំពង់ធំ -ដោយ ៖ លាង សុភ័ក្ត្រ
កាលពីថ្ងៃទី ០៣ ដល់ថ្ងៃទី ០៦ ខែតុលា ឆ្នាំ២០១៤ កន្លង ទៅនេះក្រុមការងាររបស់អង្គ ការអភិរក្សព្រៃឈើនិងអភិវឌ្ឍ ធនធានធម្មជាតិដែលដឹកនាំ ដោយលោក ឈៀង វុទ្ធី ប្រធាន ការិយាល័យប្រតិបត្តិ និងលោក ហ៊ាប តុង ប្រធានស្នាក់ការអង្គ ការអភិរក្សព្រៃឈើនិងអភិវឌ្ឍ ធនធានធម្មជាតិខេត្តកំពង់ធំ ព្រមទាំងមន្ត្រីស្នាក់ការទាំង អស់បានចុះឃ្លាំមើលបទល្មើស ព្រៃឈើនិងធនធានធម្មជាតិ នៅតំបន់ជើងភ្នំជីក៏បានប្រទះ ឃើញបទល្មើសព្រៃឈើយ៉ាង គគ្រឹកគគ្រេងនៅតំបន់ខាងលើ ដែលស្ថិតក្នុងភូមិក្រាំង ឃុំសុ ចិត្រ ស្រុកសណ្តាន់ ខេត្តកំពង់ ធំកើតឡើងជាច្រើនកន្លែង។
លោក ឈៀង វុទ្ធី ប្រធាន ការិយាល័យប្រតិបត្តិរបស់អង្គ ការអភិរក្សព្រៃឈើនិងអភិវឌ្ឍ ធនធានធម្មជាតិបានប្រាប់“ពុទ្ធិ ខ្មែរ”ថា ការចុះបំពេញបេសក កម្មនេះ គឺតាមរយៈការចាត់ តាំងពីលោក ហ៊ុន សុខា ប្រធាន អង្គការអភិរក្សព្រៃឈើនិង អភិវឌ្ឍធនធានធម្មជាតិដោយ សារលោកទទួលបានការរាយ ការណ៍និងសំណូមពរពីប្រជាពលរដ្ឋដែលរស់នៅក្នុងឃុំសុចិត្រ ថាមានឈ្មួញខិលខូចកំពុងលួច អារឈើយ៉ាងទ្រហឹងអើងកង ដោយប្រើម៉ាស៊ីនត្រង់ស៊ីណ័រ ។
តាមការចង្អុលបង្ហាញនិង ទទួលបានលិខិតបញ្ជាបេសក កម្មភ្លាមទើបលោក ឈៀងវុទ្ធី និងក្រុមការងារបានចុះឃ្លាំ មើលបទល្មើសទាំងនោះដោយ មិនបង្អែរបង្អង់ឡើយ ។ ខណៈ ដែលលោកនិងក្រុមការងារ របស់អង្គការបានចុះទៅដល់ តំបន់ដែលប្រជាពលរដ្ឋរាយ ការណ៍នោះ លោកក៏ប្រទះ ឃើញមានបទល្មើសព្រៃឈើ ពិតប្រកដមែនដោយមានឈ្មួញ ជាច្រើនបានបោះទីតាំងសំងំអារ ឈើ យ៉ាងអាណាធិបតេយ្យ។
លោក ឈៀង វុទ្ធី បានបន្ត ថាគ្រាន់តែពួកឈ្មួញដែលលួច អារឈើទាំងនោះបានឃើញ ឯកសណ្ឋានរបស់មន្ត្រីអង្គការ ភ្លាមក៏នាំគ្នារត់ចែកជើងគ្នាយក តែរួចខ្លួនហាក់បីដូចជាឃើញ មេព្រៃយ៉ាងអញ្ចឹង។
ខណៈនោះដែរ ក្រុមការ ងាររបស់អង្គការអភិរក្សព្រៃ ឈើនិងអភិវឌ្ឍធនធានធម្មជាតិ ក៏បានត្រួតពិនិត្យមើលកន្លែង ដែលឈ្មួញប្រព្រឹត្តបទល្មើសក៏ ឃើញមានម៉ាស៊ីនត្រង់ស៊ីន័រ ៤ គ្រឿង ឡាម៤ ច្រវ៉ាក់ ២ខ្សែ ពូថៅ២និងកាំបិទខ្វាវ១និងគំនរ ឈើដែលឈ្មួញបានអារ។
ភ្លាមៗនោះក្រុមការងារ របស់អង្គការក៏បានរាយការណ៍ ទៅផ្នែករដ្ឋបាលព្រៃឈើស្រុក សណ្តាន់ហើយបានប្រគល់វត្ថុ តាងទាំងអស់ទៅអោយលោក សៅ វណ្ណីនាយផ្នែករដ្ឋបាលព្រៃ ឈើស្រុកសណ្តាន់។
ប្រជាពលដែលរស់នៅទី នោះបានត្អូញត្អែរប្រាប់“ពុទ្ធិខ្មែរ” ថាសព្វថ្ងៃនេះសមត្ថកិច្ចដែល ឈរជើងនៅក្នុងឃុំសុចិត្រនេះ កំពុងតែបើកភ្លើងខៀវឱ្យឈ្មួញ ទាំងនោះប្រព្រឹត្តបទល្មើសកាប់ បំផ្លាញព្រៃឈើយ៉ាងគគ្រឹក គគ្រេងដោយគ្មានខ្លាចញញើត នឹងច្បាប់នោះឡើយ។
ប្រជាពលរដ្ឋបានបន្តទៀត ថា ពួកគាត់សប្បាយចិត្តយ៉ាង ខ្លាំងដែលមានអង្គការអភរិក្ស ព្រៃឈើនិងអភិវឌ្ឍធនធាន ធម្មជាតិចាំឃ្លាំមើលបទល្មើស និងរាយការណ៍ទៅមន្ត្រីជំនាញ ទាន់ពេលវេលា។
លោក ហ៊ុន សុខា ប្រធាន អង្គការអភិរក្សព្រៃឈើនិង អភិវឌ្ឍធនធានធម្មជាតិបាន បង្ហាញជំហយ៉ាងមុតមាំថា លោកនឹងបើកយុទ្ធនាការឃ្លាំ មើលនៅតំបន់ផ្សេងៗទៀតក្នុង ពេលឆាប់ៗខាងមុខនេះ ព្រោះ លោកបានទទួលព័ត៌មានពីប្រជា ពលរដ្ឋថាបទល្មើសព្រៃឈើនៅ ស្រុកសណ្តាន់នេះច្រើនណាស់។
បទល្មើសព្រៃឈើនៅស្រុក សណ្តាន់នេះពុំសូវមានសមត្ថកិច្ច ជំនាញចុះបង្ក្រាបនោះទេដោយ មានប្រជាពលរដ្ឋមួយចំនួន សង្ស័យថានេះប្រហែលជាឆ្នាំង បាយរបស់សមត្ថកិច្ចជំនាញនិង អាជ្ញាធរមូលដ្ឋានបានជាបទ ល្មើសមានច្រើនជាងមុន ៕
============
កិច្ចប្រជុំនគរបាលការពារព្រំដែនត្រូវទប់ស្កាត់និងបញ្ឈប់ជាបន្ទាន់រាល់បទល្មើសខុលច្បាប់គ្រប់ប្រភេទក្នុងភូមិសាស្ត្រខ្លួនគ្រប់គ្រង
ខេត្តបន្ទាយមានជ័យ-ដោយ ៖ ជ្រៃក្រឹម
នាយឧត្តមសេនីយ៍ ខេង សុម៉េត អគ្គស្នងការរងនគរបាល ជាតិទទួលបន្ទុកការងារព្រំដែន ទិសភូមិភាគទី៤ និងទី៥ មាន ប្រសាសន៍ថា គ្រប់នគបាលវរៈ ការពារព្រំដែនទាំង ៤ ក្នុងភូមិ សាស្ត្រ ខេត្តបន្ទាយមានជ័យ ត្រូវបញ្ឈប់ជាបន្ទាន់នូវរាល់បទ ល្មើសឆ្លងដែននៅតាមភូមិសាស្ត្រ ដែលខ្លួនគ្រប់គ្រង បើមិនដូច្នេះ ទេនិងត្រូវទទួលខុសត្រូវចំពោះ មុខច្បាប់។
ការលើកឡើងដូច្នេះក្នុងកិច្ច ប្រជុំទប់ស្កាត់និងបញ្ឈប់ជា បន្ទាន់រាល់បទល្មើសខុលច្បាប់ ឆ្លងដែនគ្រប់ប្រភេទក្នុងភូមិ សាស្ត្រដែលកម្លាំងនគរបាលខ្លួន គ្រប់គ្រងកាលពីថ្ងៃទី៩ ខែតុលា ឆ្នាំ២០១៤នៅស្នងការដ្ឋាននគរ បាលខេត្តបន្ទាយមានជ័យដែល មានលោកមេបញ្ជាការ-មេ បញ្ជាការរងនាយប៉ុស្តិ៍ការពារ ព្រំដែននៃវរៈសេនាតូចកាពារ ព្រំដែន ៨០៧-៨១៥-៨៩១ និង៩១១ ចូលរួមព្រមទាំង លោកអធិការនគរបាលស្រុក, ក្រុងចំនួន៤មានព្រំប្រទល់ជាប់ ព្រំដែនគឺស្រុកអូរជ្រៅ-ម៉ាឡៃ ស្វាយចេកនិងក្រុងប៉ោយប៉ែត។
ឯកឧត្តម គោ ស៊ុំសារឿត អភិបាលនៃគណៈអភិបាលខេត្ត បន្ទាយមានជ័យមានប្រសាសន៍ ថានេះជាកិច្ចប្រជុំបន្ទាន់បន្ទាប់ ពីបានទទួលព័ត៌មានថានៅតាម ព្រំដែន គឺនៅតែមានបទល្មើស ការនាំចូលនូវទំនិញគេចពន្ធការ នាំចូលឆ្អឹងសាច់មាន់ខូចគុណ ភាពដោយមានស្ពាន និងខ្សែរ៉ត ឆ្លងកាត់អូរព្រំដែនការនាំចូល រថយន្តចង្កូតស្តាំខុសច្បាប់ការ ចរាចរឈើគ្រញូងតាមព្រំដែន និងការបើកចេញចូលតាមតំបន់ ដែលនគរបាលព្រំដែនកាន់កាប់ គ្រប់គ្រងនោះជាដាច់ខាត។
ឯកឧត្តម គោ ស៊ុំសារឿត បានបញ្ជាក់ថារាល់បទល្មើសទាំង អស់នេះរាជរដ្ឋាភិបាលនិងថ្នាក់ ដឹកនាំគ្រប់ជាន់ថ្នាក់បានដាក់ បញ្ជាយ៉ាងតឹងរឹងហាមដាច់ ខាតមិនឱ្យកើតមាននៅតាមព្រំ ដែន ហើយមេវរៈមួយចំនួនក៏ ធ្លាប់បានធ្វើកិច្ចសន្យា ២ ទៅ៣ ដង ផងដែរ ។
ក្រុមការប្រឆាំងអំពើពុក រលួយនឹងចុះតាមដានរឿងនេះ ប្រសិនបើបុគ្គលណាម្នាក់ក្នុង ចំណោម វរៈសេនាតូចការពារ ព្រំដែនទាំង៤នៅតែប្រព្រឹត្តមិន កែប្រែទេនោះនឹងអាចប្រឈម ទទួលខុសត្រូវចំពោះមុខច្បាប់។
ឯកឧត្តម នាយឧត្តមសេនីយ៍ ខេង សុម៉េត អគ្គស្នងការរង នគរបាលជាតិទទួលការងារព្រំ ដែនមានប្រសាសន៍បន្ថែមថា រាជរដ្ឋាភិបាលបានដាក់បញ្ជា យ៉ាងម៉ឺងម៉ាត់ចំពោះគ្រប់ សមត្ថកិច្ចអោយចូលរួមបង្ក្រាប និងបញ្ឈប់ជាបន្ទាន់ភ្លាមៗរាល់ បទល្មើសខុសច្បាប់ឆ្លងដែន គ្រប់ប្រភេទដើម្បីប្រមូលពន្ធ ចូលរដ្ឋឱ្យមានកំណើនកាន់តែ ខ្ពស់លើសលប់ ដូច្នេះយើងជា កម្លាំងនគបាលវរៈការពារព្រំដែន ត្រូវគោរពតាមបទបញ្ជារនេះ មិនត្រូវបើកដៃឬឃុបឃិតជា មួយពួកឈ្មួញទាញយកប្រយោ ជន៍ផ្ទាល់ខ្លួនដែលជាទង្វើខុស នឹងច្បាប់នោះទេ។
ចំពោះការនាំចូលទំនិញ ល្មើសច្បាប់តាមច្រកព្រំដែនដូច ទឹកបាក់ទំនាប់ដែលគ្មានសមត្ថ កិច្ចមានការត្រួតពិនិត្យក៏ដូចជា ការយកលុយពីពលករឆ្លងដែន ខុសច្បាប់គឺកងកម្លាំងនគរបាល ការពារព្រំដែនទាំង ៤ ត្រូវតែ បញ្ឈប់ជាបន្ទាន់ប្រសិនបើមាន។
តែបើមានការប្រព្រឹត្តនោះ គឺមិនមែនកងកម្លាំងនគរបាល ជាអ្នកប្រព្រឹត្តទេ គឺជាបុគ្គល ជាអ្នកប្រព្រឹត្តដូច្នេះបុគ្គលនោះ គឺត្រូវតែទទួលទោសដោយខ្លួន ឯង ចំពោះមុខច្បាប់ ។
ជាមួយគ្នានោះដែរ ឯកឧត្តមនាយឧត្តមសេនីយ៍អគ្គ ស្នងការរង និងជាមេបញ្ជាការ ប្រចាំទិសទី៤និងទី៥ក៏មានការ កោតសរសើរចំពោះការខិតខំ ប្រឹងប្រែងយកអស់ស្មារតីការ ពារបូរណភាពទឹកដីកំលាំងកាយ និងការបង្ក្រាបបទល្មើសឆ្លងដែន ព្រមទាំងទប់ស្កាត់ចំពោះពលករ ដែលលួចឆ្លងដែនខុសច្បាប់នា ពេលកន្លងមក ៕
