ក្រុងប៉ោយប៉ែត-ដោយ: លាង សុភ័ក្ត្រ
នៅ ព្រឹក ថ្ងៃទី ១៤ ខែ មេសា ឆ្នាំ ២០២០ នេះ រដ្ឋបាល ក្រុង ប៉ោយ ប៉ែត បាន ទទួល អំណោយមនុស្សធម៌ជាថវិកា និងគ្រឿងឧបភោគនិងបរិភោគមួយចំនួនពីលោក ឈាន សុខា អគ្គនាយកក្រុមហ៊ុន សុខា រ៉េស៊ីដិន (SOKHA Residences) ប្រគល់ ជូន ទៅ រដ្ឋបាល ក្រុង ប៉ោយ ប៉ែត ដើម្បី រួមចំណែក ក្នុង ការងារ មនុស្សធម៌ ក្នុង កិច្ច ជួយ សង្គ្រោះ ប្រជាពលរដ្ឋ ក្រីក្រ និង ជន ងាយ រងគ្រោះ ដែល កំពុង ជួប ការខ្វះខាត ស្បៀង យ៉ាងខ្លាំង ក្នុង កាលៈទេសៈ នៃ ការរីក រាលដាល នៃ ជំងឺ ឧត្បាតវីរុសកូវី ដ -១៩ (COVID-19) នាពេល បច្ចុប្បន្ន នេះ ។
ពិធី ប្រគល់ និង ទទួល អំណោយ ជា ថវិកា និងគ្រឿងឧបភោគនិងបរិភោគមួយចំនួននេះ បាន ធ្វើឡើង ក្រោម វត្តមាន លោក គាត ហ៊ុល អភិបាល នៃ គណៈ អភិបាលក្រុង ប៉ោយប៉ែត និងលោក ឈាន សុខា អគ្គនាយកក្រុមហ៊ុន សុខា រ៉េស៊ីដិន (SOKHA Residences) រួម នឹង ក្រុមការងារ នៅ សាលាក្រុង ប៉ោយ ប៉ែត ខេត្ត បន្ទាយមានជ័យ ។
អំណោយមនុស្សធម៌ជាថវិកា និងគ្រឿងឧបភោគនិងបរិភោគដែលលោក ឈាន សុខា អគ្គនាយកក្រុមហ៊ុន សុខា រ៉េស៊ីដិន (SOKHA Residences) បានបរិច្ចាគជូនរដ្ឋបាលក្រុងប៉ោយប៉ែតនាពេលនេះ រួមមានៈ អង្ករខ្សាយ ចំនួន ១,០០០គីឡូក្រាម (១តោន), មី ១០កេសធំ, ទឹកសុទ្ធ ១០យួរ, ទឹកត្រី ៥យួរ, ត្រីខ ១០០កំប៉ុង រួមនឹងថវិកាចំនួន ១,៦០០,០០០ (មួយលានប្រាំមួយសែន) រៀល។
លោក គាត ហ៊ុល អភិបាល នៃ គណៈ អភិបាលក្រុង ប៉ោយប៉ែត បាន ថ្លែងអំណរគុណ យ៉ាង ជ្រាលជ្រៅ ចំពោះ លោក ឈាន សុខា អគ្គនាយកក្រុមហ៊ុន សុខា រ៉េស៊ីដិន (SOKHA Residences) រួម នឹង ក្រុមការងារ ដែល មាន ស មានចិត្ត សប្បុរស ចូលរួម ជាមួយនឹង សកម្មភាព មនុស្សធម៌រ បស់ រដ្ឋបាល ក្រុង នាពេលនេះ ។ ដោយ សកម្មភាព នេះ ចាត់ទុក ថា បាន ចូល ចំពេល ក្នុង ស្ថានភាព នៃ ការ រាតត្បាត របស់ វីរុស កូវី ដ -១៩ បណ្តាល ឱ្យ បងប្អូន ប្រជាពលរដ្ឋ មួយចំនួន ក្នុង មូលដ្ឋាន ជួប ការខ្វះខាត ស្បៀង ប្រចាំថ្ងៃ ។ ក្នុងឱកាស នោះ លោក អភិបាលក្រុង បាន សង្កត់ធ្ងន់ថា ក្នុងនាម រាជរដ្ឋាភិបាល កម្ពុជា និង ក្នុង នាម រដ្ឋបាល ក្រុង ប៉ោយប៉ែត តាំងចិត្ត យ៉ាង មុតមាំ ថា “ដាច់ខាត មិន ទុកចោល បងប្អូន ប្រជាពលរដ្ឋ ណា ម្នាក់ ដាច់ ពោះ ស្លាប់ ដោយសារ អត់ អាហារ នោះ ឡើង “។
សូមជម្រាបជូនថា លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានអំពាវនាវនៅក្នុងឱកាសចូលឆ្នាំប្រពៃណីជាតិខ្មែរនេះ សូមបងប្អូននៅផ្ទះ កុំធ្វើដំណើរចល័ត (ជាបណ្តោះអាសន្ន) អនុវត្តនូវគម្លាតសុវត្ថិភាពនៅទីកន្លែងមានមនុស្សច្រើន និងសូមរក្សាអនាម័យល្អ ដូចជាឧស្សាហ៍លាងដៃជាមួយសាប៊ូនិងទឹកស្អាត ឬអាល់កុល ឬទឹកជែលលាងដៃឱ្យបានញឹកញាប់ ប្រើប្រាស់ម៉ាស់ខ្ទប់មាត់និងច្រមុះពេលក្អកកណ្តាស់ជាដើម។ ជាមួយគ្នានេះ សូមបងប្អូនប្រជាពលរដ្ឋស្វែងយល់បន្ថែមទៀតអំពីវិធានការដែលត្រូវប្រកាន់យកមកអនុវត្តសម្រាប់ទប់ស្កាត់ការចម្លងវីរុសកូវីដ-១៩ ពីបុគ្គលម្នាក់ទៅបុគ្គលម្នាក់ទៀតជាចាំបាច់៕
