ស្រុកអូរជ្រៅ-ដោយ: លាង សុភ័ក្ត្រ
នៅព្រឹក ថ្ងៃអាទិត្យទី០៥ ខែមេសា ឆ្នាំ២០២០នេះ ពលករខ្មែរត្រូវបានអាជ្ញាធរថៃចាត់បញ្ជូនមកតាមច្រកព្រំដែនអូរបីជាន់-គោកធ្យូង ស្ថិតក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ចំនួនជាង ១០០នាក់ ជារៀងរាល់ថ្ងៃ ក្រោយពេលដែលភាគីទាំងពីរ (កម្ពុជា-ថៃ) បានឯកភាពគ្នាកំណត់យកទីតាំងច្រកអូរបីជាន់-គោកធ្យូង ជាកន្លែងតែមួយគត់ដើម្បីសម្របសម្រួលដល់ពលករ ដែលអាជ្ញាធរបញ្ជូនមកងាយស្រួលទាំងខាងថៃ និងកម្ពុជា ដើម្បីរួមគ្នាពិនិត្យសុខភាពមុនពេលអនុញ្ញាតឱ្យពួកគាត់ចេញដំណើរបន្ត។
ឯកឧត្តម អ៊ំុ រាត្រី អភិបាល នៃគណៈអភិបាលខេត្តបន្ទាយមានជ័យ ព្រមទាំងក្រុមការងារគ្រប់ផ្នែក និងកងកម្លាំងប្រដាប់អាវុធទាំងអស់បានបន្តខ្នះខ្នែងជួយសម្របសម្រួល ទាំងដឹកជញ្ជូន ពិនិត្យសុខភាព និងណែនាំអប់រំពីវិធានការនានា ការពារ បង្ការ និងប្រយុទ្ធនឹងជំងឺកូវីដ-១៩ (COVID-19)៕
