អត្ថបទស្រាវជ្រាវ និងប្រែសំរួល-ដោយៈសុភ័ក្ត្រ
ត្បូងពេជ្រមានច្រើនពណ៌ ខុសៗគ្នា។ ទាំងនេះ គឺជាពណ៌មួយចំនួនដែលសំខាន់ៗ
និងមូលហេតុ ដែលនាំអោយពួកវា (ត្បូងពេជ្រ) មានពណ៌ផ្សេងៗគ្នាដូចនេះ ។
ភាគច្រើន ត្បូងពេជ្រគឺមានពណ៌ស។ ពណ៌ស បរិសុទ្ធ គឺជាសញ្ញាបង្ហាញថា ត្បូងពេជ្រ គ្មានធាតុផ្សំអ្វីនោះទេ ហើយត្បូងពេជ្រពណ៌ស ភាគច្រើនមានកម្រិតនីដ្រូសែនតិចតួច (មានពណ៌លឿងតែបន្តិចបន្តួចប៉ុណ្ណោះ) ។
ត្បូងពេជ្រពណ៌លឿង កើតមានដោយសារតែ មានការបញ្ចូលនូវជាតិ នីដ្រូសែន។
ត្បូងពេជ្រពណ៌ផ្កាឈូក មិនមានប្រភពច្បាស់លាស់នោះទេ ដែលអាចបញ្ជាក់ថា ហេតុអ្វីបាន ជាវាអាចមានពណ៌ផ្កាឈូក ប៉ុន្តែទ្រឹស្តីក្នុងពេលបច្ចុប្បន្ន គឹបង្ហាញថាដោយសារ ការកើនឡើងនូវ កំដៅខ្ពស់ ដែលបានធ្វើអោយ បន្ទះជាតិគ្រីស្តាល់ ធ្វើការបង្វិលបន្តិច នឹងបង្កើតអោយពួកវា ក្លាយ ជាពណ៌ផ្កាឈូក។ គេសំគាល់ថា ត្បូងពេជ្រពណ៌ផ្កាឈូក គឺមានភាពរឹងមាំជាង ត្បូងពេជ្រ ពណ៌ស។
ត្បូងពេជ្រពណ៌ខៀវ កើតមានដោយសារតែ មានការបញ្ចូលនូវ ជាតិបូរន ( boron) និង ជាកម្រ វាបណ្តាលមកពី កម្រិតជាច្រើននៃ អ៊ីដ្រូសែន។ ត្បូងពេជ្រខៀវបូរន គឺមានលក្ខណៈខុសប្លែកពីគេ ដោយសារតែវា អាចបង្កើតចរន្តអគ្គិសនីបាន។
ត្បូងពេជ្រពណ៌ក្រហម មិនច្បាស់នោះទេ ថាហេតុអ្វីបានជាវា មានពណ៌ក្រហម ប៉ុន្តែវាគឺជា ប្រភេទពេជ្រដែលមានតម្លៃជាងគេបំផុត ក្នុងចំណោមប្រភេទពេជ្រផ្សេងៗទៀត។ គេបានដឹងថា នៅលើពិភពលោកយើងនេះមានតែពីរបីប៉ុណ្ណោះ ។
ត្បូងពេជ្រពណ៌បៃតង បានកើតឡើងដោយសារតែការប្រឈមទៅនឹងកាំរស្មីដែលនៅខាងក្រោមភពផែនដី ។
ត្បូងពេជ្រ ក៏មានផងដែរនូវពណ៌តោ្នត ខ្មៅ និង ពណ៌ផ្សេងៗដទៃទៀតដែលមានរួមបញ្ចូលជាមួយនឹងពណ៌ខាងលើនេះ។
ត្បូងពេជ្រដែលមានពណ៌ពីធម្មជាតិ គឺមានតម្លៃថ្លៃជាងត្បូងពេជ្រពណ៌សធម្មតា ដោយសារតែ ភាពជាកម្ររបស់ត្បូងពេជ្រ ប្រសិនបើគេធ្វើការប្រៀបធៀបជាមួយនឹងត្បូងពេជ្រពណ៌សនោះ។
ការធ្វើអោយរូបរាងរបស់ពេជ្រមានភាពប្រសើរឡើង គឺអាចនឹងកាន់តែធ្វើអោយពន្លឺរបស់ត្បូងពេជ្រភ្លឺថា្ល ជាងមុន និងកាត់បន្ថយនូវភាពជាដុំថ្មរបស់ត្បូងពេជ្រ។ អ្នកដែលមានជំនាញខាងមើលត្បូង នឹងអាចជួយអ្នកក្នុងការកំណត់នូវពណ៌ដែលមានពីធម្មជាតិត្បូងពេជ្រ។ ពណ៌ដែលត្រូវបានគេកែឆ្នៃ និងលក្ខណៈសម្បត្តិផ្សេងទៀតរបស់ត្បូងពេជ្រអ្នក។
កាលបើជាត្បូងពេជ្រដ៏ល្អ នោះនឹងកាន់តែមើលទៅមិនសូវឃើញមានពណ៌លឿង។ គេអាចពិនិត្យមើលពណ៌របស់ត្បូងពេជ្របានដោយវិធីពីរយ៉ាងគឺ ទីមួយពណ៌របស់ត្បូងពេជ្រ នៅពេលដែលគេមិនទាន់ឆ្នៃ និងទីរពីរ គេមើលទៅលើពណ៌ជាឥន្ទធនូ ដែលចាំងពីមុខត្បូងពេជ្រ ដែលបានឆ្នៃរួចហើយ៕
