ខេត្តកំពត-ដោយ: អ៊ឹម មុន្នីចិន្តា
នាថ្ងៃអង្គារ ១៥កើត (ថ្ងៃពេញបូណ៌មី) ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែកុម្ភ: ឆ្នាំ២០១៩ ឯកឧត្តម ជាវ តាយ អភិបាល នៃគណៈអភិបាលខេត្តកំពត និងលោកជំទាវ បានដឹកនាំមន្ត្រីរាជការ និងប្រជាពុទ្ធបរិស័ទ ក្រុងកំពត និងស្រុកទឹកឈូ ប្រារព្ធពិធីបុណ្យមាឃបូជា នៅប្រាសាទដើមពោធិ៍ ស្ថិតនៅភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត។
អញ្ជើញចូលរួមក្នុងពិធីនេះមាន ឯកឧត្តម លោកជំទាវ ក្រុមប្រឹក្សាខេត្ត គណៈអភិបាលខេត្ត ប្រធាន អនុប្រធានមន្ទីរ អង្គភាពជុំវិញខេត្ត ក្រុមប្រឹក្សា គណៈអភិបាលក្រុង ស្រុក ប្រជាពុទ្ធបរិស័ទស្រុកទឹកឈូ និងក្រុងកំពត និងព្រះសង្ឃ សរុបចំនួនប្រមាណ៤០០ អង្គនិងនាក់។
ក្នុងនោះ ឯកឧត្តមអភិបាលខេត្ត បានឧបត្ថម្ភថវិកាសម្រាប់ចូលរួមបុណ្យចំនួន ២,៦៤០,០០០រៀល និងឧបត្ថម្ភជូនយាយជីតាជីក្នុងម្នាក់ចំនួន ២ម៉ឺនរៀល សរុបចំនួន ៥លានរៀល និងបានឧបត្ថម្ភដល់កងកម្លាំងសរុបថវិកាចំនួន ៣លានរៀលផងដែរ៕
