ខេត្តកណ្តាល-ដោយ: ប៊ិន ប៊ុនថន
រាជរដ្ឋាភិបាលកម្ពុជាសម្រេចកែសម្រួលព្រំប្រទល់រដ្ឋបាលរវាងក្រុងតាខ្មៅ ជាមួយស្រុកស្អាង និងស្រុកកណ្តាលស្ទឹង នៃខេត្តកណ្តាល ដោយកាត់យកឃុំចំនួន០៤ ពីស្រុកស្អាងគឺ ឃុំស្វាយរលំ ឃុំកោះអន្លង់ចិន ឃុំសិត្បូ ឃុំរកាខ្ពស់ និងដីមួយផ្នែកនៃស្រុកកណ្តាលស្ទឹង មកឱ្យក្រុងតាខ្មៅ ខេត្តកណ្តាល។ នេះបើយោងតាមអនុក្រឹត្យរបស់រាជរដ្ឋាភិបាលកម្ពុជា លេខ ០៩ អនក្រ.បក ចុះថ្ងៃអង្គារ ៣កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៨ ខែមករា ឆ្នាំ២០១៩។
ក្នុងអនុក្រឹត្យខាងលើបានបញ្ជាក់បន្ថែមថាផ្អែកតាមការកែសម្រួលនេះ ត្រូវបានប្តូរឃុំចំណុះក្រុងតាខ្មៅ នៃខេត្តកណ្តាល ទៅជាសង្កាត់ មានដូចខាងក្រោម ÷
-ឃុំស្វាយរលំ ទៅជា សង្កាត់ស្វាយរលំ
-ឃុំកោះអន្លង់ចិន ទៅជា សង្កាត់កោះអន្លង់ចិន
-ឃុំសិត្បូ ទៅជា សង្កាត់សិត្បូ
-ឃុំរកាខ្ពស់ ទៅជា សង្កាត់រកាខ្ពស់
សេចក្តីពិស្តារ មានជូនដូចខាងក្រោម ÷
