ខេត្តព្រៃវែង -ដោយ ៖ សុភ័ក្ត្រ
សកម្មភាពរបស់ឈ្មួញទុច្ច រិតនាំសត្វពស់, អណ្តើក, កន្ធាយ និងសត្វស្លាបគ្រប់ប្រភេទ មាន ដូចជា មាន់ទឹក មាន់ទោ កុក ប្រវឹក ក្រសា… ៘ នាំយក ទៅលក់នៅប្រទេសវៀតណាម យ៉ាងអនាធិបតេយ្យ ។ សកម្ម ភាពជួញដូរសត្វព្រៃ ពិសេស គឺប្រភេទសត្វកម្ររដែលជិត ផុតពូជនេះ បានកើតមាននៅ ចំណុចផ្សារកអណ្តើក ស្រុកកំពង់ ត្របែក ខេត្តព្រៃវែង ។
យោងតាមប្រភពព័ត៌មានពី ប្រជាពលរដ្ឋក្នុងមូលដ្ឋាន(ផ្សារ កអណ្តើក)បានឱ្យ“ពុទ្ធិខ្មែរ”ដឹង ថា ទិដ្ឋភាពជួញដូរសត្វព្រៃខុស ច្បាប់នេះកើតមានជាយូរយា មកហើយ(ដុះស្លែ) ពួកគាត់ជា ប្រជាពលរដ្ឋមិនដែលឃើញ សមត្ថកិច្ចជំនាញនិងអាជ្ញាធរ មូលដ្ឋានទប់ស្កាត់និងបង្ក្រាប ម្តងណានោះទេ ។
ទន្ទឹមនឹងនេះ ពួកគាត់(អ្នក ឃើញហេតុការ)បានឃើញ សមត្ថកិច្ចមកដល់ទីតាំងទិញ- លក់ សត្វព្រៃខុសច្បាប់នោះ ជា រឿយៗដែរដោយពេលមកដល់ (កន្លែងទិញ-លក់សត្វព្រៃ)មុខ ក្រៀមបន្ទាប់មួយស្របក់មក ឃើញ ដើរចេញមកក្រៅ វិញ ដោយទឹកមុខញញឹមពព្រាយ និងហោប៉ៅប៉ោងជាងមុន ។
ប្រភពដដែលបន្តថា ពួក ឈ្មួញអាចទិញ-លក់ និងនាំ ចេញទៅលក់បន្តនៅប្រទេស វៀតណាមបានយ៉ាងរលូនក្លាយ ជាការជួញដូរដុះស្លែនេះក៏ដោយ សារឈ្មួញទាំងនោះមានសមត្ថ ភាពខ្ពស់ក្នុងសិល្បៈបំភ័ន្តភ្នែក មហាជន និងសែនព្រេន រួមនឹង ថ្នាំសណ្តំលាភសក្ការៈជាផល ប្រយោជន៍និងថវិកាគ្រប់ស្ថាប័ន ជំនាញនិងអាជ្ញាធរមូលដ្ឋាន អស់ហើយទើបបានមន្ត្រីជំនាញ និងអាជ្ញាធរមើលមិនឃើញ ។
ប្រជាពលរដ្ឋក្នុងមូលដ្ឋាន បានសំណូមពរឱ្យអាជ្ញាធរខេត្ត ពិសេស ឯកឧត្តម ហាស់ សារ៉េត អភិបាលនៃគណៈអភិបាលខេត្ត ព្រៃវែង ជួយចាត់វិធានការ បង្ក្រាបនិងទប់ស្កាត់សកម្មភាព ទិញ-លក់ និងនាំយកទៅលក់ បន្តសត្វព្រៃខុសច្បាប់នៅប្រទេសវៀតណាមផងទាន ! ៕
