ខេត្តមណ្ឌលគីរី ដោយ ៖ សុភ័ក្ត្រ
ប្រភពព័ត៌មានបានឱ្យដឹងថា ការដឹកជញ្ជូនឈើប្រណិត យ៉ាងគគ្រឹកគគ្រេងទាំងអស់ នេះគឺក្រុមឈ្មួញដុះស្លែនៅក្នុង ឃុំថ្មីនិងឃុំកន្ទូតនេះតែម្តង ថៅ កែទាំងអស់នោះដែលមានទី១-ឈ្មោះ ហេង ប៉ាង, ទី២ឈ្មោះ សេក ពក ទី៣ឈ្មោះ ធា ទី៤ ឈ្មោះ ធុង, ទី៥ឈ្មោះ ថា នេះ ដែលអំណះអំណាងថាខ្លូនមាន ខ្សែនៅពីក្រោយខ្នងទៀតផង។
ក្រុមឈ្មួញទាំងអស់នេះ បានធ្វើចរាចរណ៍ដឹកជញ្ជូនឈើ ប្រណិតចេញពីខេត្តមណ្ឌលគីរី តាមរយៈរទេះគោចូលក្នុងដី ក្រុមហ៊ុនរាប់រយ រាប់ពាន់រទេះ ក្នុងមួយខែៗ ហើយយកមក ដាក់លើឡានបាឡែន លុចសិស ឆ្លាម កាមរីគូទហើម ហាយ ឡែនឌ័រ និងកាមរីវះគូទក្នុង មួយយប់ៗសឹងតែទល់ភ្លឺ។
ដោយគ្មានការទប់ស្កាត់និង ចុះបង្ក្រាបពីមន្ត្រីពាក់ព័ន្ធទាំង អស់នោះឡើយ ជាពិសេស លោកនាយសង្កាត់រដ្ឋបាលព្រៃ ឈើដែលមានឈ្មោះ សុខ គោ លោកគ្មានបំណងនិងឆន្ទៈក្នុង ការបង្ក្រាបទេ ប្រហែលជា លោកនិងមន្ត្រីពាក់ព័ន្ធទាំងអស់ ក្នុងស្រុកចិត្របុរីនេះដាក់លុយ ក្នុងហោប៉ៅពេញអស់ហើយ មើលទៅបានជាមិនបង្ក្រាប។
ប្រភពព័ត៌មានចេញពី ប្រជាពលរដ្ឋដែលរស់នៅក្នុង ភូមិ១០៥ បាននិយាយតៗគ្នា ប្រាប់អ្នកសារព័ត៌មានថាសព្វ ថ្ងៃនេះគាត់មានការព្រួយបារម្ភ និងភ័យខ្លាចយ៉ាងខ្លាំងចំពោះ លោក ម៉ាប់ ដែលជាប៉ូលីស យាមប៉ារ៉ាស់ក្រុមហ៊ុនម៉ូម៉ីប៉ា នេះណាស់ ពីព្រោះប្រជាពលរដ្ឋ ដែលក្រីក្រទៅអារឈើធ្វើផ្ទះគឺ ត្រូវការបង់ប្រាក់ជាមុនអោយ លោក ម៉ាប់ ក្នុង តំលៃម៉ាស៊ីន មួយ ១៥ ម៉ឺនរៀល បើពុំបាន ប្រាប់ទេនោះ គឺលោកយកម៉ាស៊ីនមួយ ៣០ម៉ឺនរៀលជាប្រចាំ ហើយក៏បានបន្តទៀតថាលោក ម៉ាប់នេះដែរ មានម៉ាស៊ីនអារ ឈើខ្លូនឯងមានដល់ទៅ៤គ្រឿង សំរាប់ធ្វើអាជីវកម្មរបស់ខ្លួនឯង បានន័យថារកផង ចាប់គេផង។
គេបានឃើញឈ្មោះ ស្រេង និងឈ្មោះ បុល ដែលជាតំណាង ឱ្យក្រុមហ៊ុនម៉ូម៉ីប៉ា នេះកំពុងតែ សប្បាយចិត្តក្នុងការយកលុយ រាប់ក្បាលឡាន ។ គួរបញ្ជាក់ថា ក្រុមហ៊ុន ម៉ូម៉ីប៉ា បានបើកប៉ា រ៉ាស់ឱ្យក្រុមឈ្មួញដឹកជញ្ជូន ឈើប្រណីតឆ្ពោះមកកាន់ភូមិ ១០៥ ឃុំថ្មី ស្រុកចិត្របុរី ខេត្ត ក្រចេះយ៉ាងគគ្រឹកគគ្រេងដោយ មិនគិតពីការអនុវត្តន៍នឹងច្បាប់ ៕
