ខេត្តកំពង់ធំ-ដោយ:ប៉ាកកាមាស
ព្រៃឈើក្នុងប្រទេសកម្ពុជាលាតសន្ធឹងធំធេងស្ទើរពេញផ្ទៃប្រទេសដោយមានឈើមានតម្លៃរាប់មិនអស់ តែអនិច្ចាណាស់ តំបន់ព្រៃឡង់រាប់ម៉ឺនហិកតា ត្រូវបានជនទុច្ចរិតបំផ្លិចបំផ្លាញ គ្មានមេត្តាចំពោះព្រៃឈើដ៏មហាសាលនេះ។ លើសពីនេះទៅទៀត ពេលសារពត៌មាន បណ្តាញអ្នកស៊ីបការពិសេស បានចុះទៅតំបន់ព្រៃឡង់ មើលឃើញពីវិនាសកម្មព្រៃឈើដ៏ធំសម្បើមបែបនេះទើប អង្គភាពសារព័ត៌មាន សហការជាមួយអង្គការអភិរក្សព្រៃឈើ និងអភិវឌ្ឍន៍ធនធានធម្មជាតិ អង្គការការពារព្រៃឈើ សត្វព្រៃ និងបរិស្ថាន អង្គការការពារបរិស្ថាន និងធនធានធម្មជាតិ ចុះឃ្លាំមើលការកាប់បំផ្លាញព្រៃឈើក្នុងតំបន់ច្រកតោល ច្បស់រាក់ អូថា្លន់ អូតាអុង អូតាលៃ អូឈ្នូរ តំណាក់កកោះ តំបន់ទាំងនេះត្រូវបានក្រុមហ៊ុន ៩៥ ដែលមានដីសម្បទានសង្គមកិច្ចនៅចំនុចព្រះអាទិត្យទេ ចុះហេតុអ្វីបានជាក្រុមហ៊ុនទាំងនេះចុះទៅកាប់ឈើនៅតំបន់ខាងលើទៅ វិញ ហើយតំបន់ខាងលើត្រូវបានមន្ត្រីថា្នក់ស្រុក កំពុងរុករានដីព្រៃធ្វើជាកម្មសិទ្ធិ និងកាប់លក់អោយឈ្មួញ។
យោងតាមប្រភពបានអោយដឹងថា ឈ្មោះអ្នកកាប់ព្រៃដីរដ្ឋទាំងនោះមាន អ៊ួង ម៉ាលី អធិការស្រុកសណ្តាន់ ដែលជាមេខ្លោងកាប់ព្រៃរដ្ឋ ធ្ចើជាដីកម្មសិទ្ធិលក់អោយឈ្មួញបាន រាប់សិបម៉ឺនដុល្លារ ដោយឈ្មោះ អ៊ួង ម៉ាលី នេះត្រូវបានប្រជាពលរដ្ឋខ្សឹបប្រាប់សារពត៌មានយើងអោយដឹងថាជា បុគ្គលមានអំណាចក្នុងស្រុកសណ្តាន់ ដោយពុំមានសមត្ថកិច្ចណាហ៊ានឡើយ ព្រោះអ៊ួង ម៉ាលីនេះ អាងខ្នងមហិមានៅពីក្រោយ គេចង់ធ្វើអី្វក៏បាន តែបើប្រជាពលរដ្ឋកាប់ដីបង្ករបង្កើនផលបន្តិចបន្តួច ត្រូវបានលោកអធិការចាប់វ៉ៃខ្នោះនិងបញ្ជូនទៅអោយសាលាដាក់គុកទាំង អស់។ ចំពោះខ្លួនកាប់ព្រៃយកដីលក់រាប់រយហិកតាក៏គ្មាននរណាហ៊ានក្អក ដែរ។
ប្រភពដដែលបានបន្តថា រឿងកាប់បំផ្លាញឈើ ជួញឈើ ត្រូវបានគេស្គាល់ឈ្មោះដូចតទៅ ទីមួយឈ្មោះ អ៊ូ សុធា បញ្ជាការសឹករងស្រុកសណ្តាន់ ទីពីរមានឈ្មោះ យាយ រ៉ើម, នៅ ភា នៅភូមិសំរោង ឃុំមានរិទ្ធិ ឈ្មោះឆាយ នៅភូមិសណ្តាន់ស្រុកសណ្តាន់ ជាមេបំផ្លាញឈើនិងជួញឈើប្រចាំស្រុកសណ្តាន់ដែលមានខ្នងពីក្រោយការពារ៕
