ខេត្តតាកែវ-ដោយ: សុភ័ក្ត្រ
ឯកឧត្តម ហ៊ុន សុខា អនុប្រធានក្រុមការងារថ្នាក់កណ្តាលគណបក្សប្រជាជនកម្ពុជាចុះជួយក្រុងដូនកែវ និងជាប្រធានកិត្តិយសចុះជួយសង្កាត់បារាយណ៍តំណាងដ៏ខ្ពង់ខ្ពស់ ឯកឧត្តម ហូរ វិចិត្រ ប្រធានក្រុមការងារថ្នាក់កណ្តាលគណបក្សប្រជាជនកម្ពុជាចុះជួយក្រុងដូនកែវ
អញ្ជើញជាអធិបតីភាពក្នុងពិធីបញ្ចូលសមាជិកគណបក្សប្រជាជនកម្ពុជានៅសង្កាត់បារាយណ៍ចំនួន ២៩៨នាក់ អមដំណើរដោយ លោក មូល វិចិត្រ ប្រធានគណបក្សប្រជាជនកម្ពុជាក្រុងដូនកែវ និងលោក ឈុន ស្រ៊
។
ពិធីនេះបារព្ធធ្វើនៅទីស្នាក់ការគណបក្សប្រជាជនកម្ពុជាសង្កាត់បារាយណ៍ នាព្រឹកថ្ងៃសៅរ៍ ១៣រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៨ ខែកញ្ញា ឆ្នាំ២០១៨។
ឯកឧត្តម ហ៊ុន សុខា ប្រធានកិត្តិយសចុះជួយសង្កាត់បារាយណ៍ បានអញ្ជើញប្រគល់សេចក្តីសម្រេចទទួលស្គាល់សមាជិកគណបក្សប្រជាជនកម្ពុជាសង្កាត់បារាយណ៍ដល់សមាជិកបក្សទាំង ២៩៨នាក់។
ឯកឧត្តមប្រធានកិត្តិយស បានមានមតិសំណេះសំណាល និងសាកសួរសុខទុក្ខព្រមទាំងលើកទឹកចិត្តចំពោះពលរដ្ឋជាម្ចាស់ឆ្នោតដែលបានគាំទ្រ និងបោះឆ្នោតជូនគណបក្សប្រជាជនកម្ពុជាឱ្យទទួលបានលទ្ធផលគួរជាទីមោទនៈបំផុត ក្នុងបុព្វហេតុគាំទ្របេក្ខភាព សម្តេចអគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី៦នេះ និងអាណត្តិបន្តបន្ទាប់ទៀត។
ក្នុងឱកាសនោះដែរ ឯកឧត្តម ហ៊ុន សុខា បានឧបត្ថម្ភថ្លៃសិក្សា, សម្ភារសិក្សា និងកង់មួយគ្រឿងសម្រាប់ជាមធ្យោបាយធ្វើដំណើរដល់យុវតីជាសិស្សក្រីក្រម្នាក់ឱ្យបានបន្តការសិក្សាថ្នាក់បរិញ្ញាបត្រ។ ដែលយុវតីជាសិស្សរូបនេះបានប្រឡងជាប់សញ្ញាបត្រមធ្យមសិក្សាទុតិយភូមិ (ថ្នាក់ទី១២) ទទួលបាននិទ្ទេស C តែគ្រួសារគ្មានលទ្ធភាពឱ្យរៀនបន្ត បច្ចុប្បន្នកំពុងបម្រើការងារក្នុងរោងចក្រកាត់ដេរ។
មុនបញ្ចប់កម្មវិធី ឯកឧត្តមគណៈអធិបតី រួមនឹងសមាជិកសមាជិកាគណបក្សប្រជាជនកម្ពុជាសង្កាត់បារាយណ៍បានថតរូបអនុស្សាវរីយ៍ប្រកបដោយភាពស្និទ្ធស្នាលបំផុតក្នុងនាមមហាគ្រួសារគណបក្សប្រជាជនកម្ពុជាតែមួយ។
