ខេត្តព្រះសីហនុ-ដោយៈ ហ៊ឹម ណាត
យុវជនដៃឆៅជំនាញខាងឆក់កាបូបភ្ញៀវជាតិ និង អន្តរជាតិនៅតាមផ្លូវសារធារណៈម្នាក់ក្នុងចំណោម២នាក់ត្រូវបានកំលាំងល្បាតរបស់ប៉ូលីសចរាចរណ៏នៃស្នងការដ្ឋានខេត្តព្រះសីហនុតាមប្រមាញ់បង្ក្រាបបានភ្លាមៗបន្ទាប់ពីជនសង្ស័យទាំង២នាក់បានធ្វើសកម្មភាពឆក់ជនបរទសនៅតាមផ្លូវចំនុចក្បែកន្ទុយនាគ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុនៅវេលាម៉ោង១១និង០០នាទី ថ្ងៃត្រង់ ថ្ងៃទី២៦ ខែមករា ឆ្នាំ២០១៥។
យោងតាមប្រភពពីសមត្ថកិច្ចបានអោយសារព័ត៌មានពុទ្ធិខ្មែរដឹងថា ជនសង្ស័យម្នាក់ក្នុងចំណោម២នាក់ដែលសមត្ថកិច្ចនគរបាលចរាចរណ៏ចាប់ខ្លួនមកអោយសមត្ថកិច្ចជំនាញមានឈ្មោះ មុំ សៅ ភេទ ប្រុស អាយុ ១៨ឆ្នាំ មុខរបរមិនពិតប្រាកដ មានទីលំនៅក្រុមទី១៥ភូមិ៣សង្កាត់លេខ៤ ក្រុងព្រះសីហនុ ជាប់ចោទពីបទចោរកម្ម រួមជាមួយម៉ូតូ០១គ្រឿងម៉ាកហុងដាសេ១២៥ពណ៏ខ្មៅពាក់ស្លាកលេខ1B-4563 និងម្នាក់ទៀតដែលបានរត់គេចខ្លួនមានឈ្មោះហេងភេទ ប្រុសអាយុ១៨ មានទីលំនៅ ភូមិ១ សង្កាត់លេខ៤ ក្រុងព្រះសីហនុបានធ្វើសកម្មភាពឆក់ពីជនបរទេសចំនួន២នាក់ប្តីប្រពន្ឋឈ្មោះ LOBERI ALAN SRLAL ភេទប្រុស អាយុ ៦០ឆ្នាំ ជនជាតិអង់គ្លេសជាប្តី និង ប្រពន្ឋឈ្មោះ MICHCLE DAWN SPRAGGភេទស្រី អាយុ៥៦ឆ្នាំ អ្នកទាំងពីរជាភ្ញៀវទេសចរណ៏ យកបានកាបូបស្ពាយចំនួន០១រួមជាមួយសម្ភារៈមួយចំនួន។
យោងតាមចម្លើយសារភាពរបស់ឈ្មោះ មុំសៅ បានឆ្លើយសារភាពថា នៅវេលាម៉ោងប្រមាណជិត១១ថ្ងៃត្រង់ ឈ្មោះ ហេង បានមកផ្ទះរបស់ខ្លួន ដោយបបួលជិះម៉ូតូដើរលេង នៅពេលពួកខ្លួនជិះមកដល់ចំនុចកន្ទុយនាគក៏បានឃើញជនបរទេសចំនួន២នាក់ រួចក៏បានធ្វើសកម្មភាព ឆក់កាបូបតែម្តង ហើយឈ្មោះហេង ក៏បានគេចខ្លួនបាត់ បណ្តាលអោយជនបរទេសជាស្ត្រីដួលនៅកន្លែងកើតហេតុ បន្ទាប់ពីឆក់បានហើយខ្លួនបានដឹកឈ្មោះហេង មកសំដៅផ្លូវក្បែរសណ្ឋាគាសុខា ក៏ត្រូវសមត្ថកិច្ចចរាចរណ៏ស្ទាក់ចាប់ខ្លួនបានតែម្តង ។ ក្រោយមកសមត្ថកិច្ចក៏តាមប្រមាញ់ចាប់បានបក្សពួកម្នាក់ទៀត ដែលកំពុងតែរួមរក្ស័ជាមួយស្រីសេ្នហ៍នៅផ្ទះជួលអូរ២ ត្រូវបានគេស្គាល់ឈ្មោះថា អារ៉ា ហៅហេង ភេទប្រុស អាយុ១៨ឆ្នាំ មានទីលំនៅទីតាំងខាងលើ ។ ចាប់ខ្លួននៅវេលាល្ងាចម៉ោង០៤ និង00នាទីថ្ងៃដដែល ។ រួចត្រូវបានបញ្ជូនទៅស្នងការដ្ឋាននគរបាលខេត្តដើម្បីសាកសួររៀបចំសំណុំរឿងបញ្ជូនទៅសាលាដំបូងខេត្តព្រះសីហនុដើម្បី ចាត់ការតាមនិតិវិធីច្បាប់។
សូមបញ្ចាក់ផងដែរថា ឈ្មោះ មុំ សៅ រួមជាមួយបក្សពួកនេះជាជនសកម្មខាងឆក់ កាច់ករម៉ូតូនៅក្រុងព្រះសីហនុ ហើយត្រូវបានកំលាំងសមត្ថកិច្ចឃាត់ខ្លួនជាច្រើនលើក តែជនសង្ស័យនេះត្រូវគេមើលឃើញថា ជនសង្ស័យនេះជាប់ពន្ឋធនាគារបានត្រឹមតែមួយដណ្ហើមចង្រិតតែប៉ុណ្ណោះ មិនលើសពី១ខែទៅ២ខែនោះទេត្រូវបានដោះលែងអោយមានសេរីភាពឡើងវិញ ៕
