ខេត្តព្រះសីហនុ-ដោយ ៖ ហ៊ឹម ណាត
នាពេលកន្លងមក មន្ត្រីជំនាញគ្រប់ស្ថាប័នរូមនឹងអាជ្ញាធរ សង្កាត់-ក្រុងបានចុះត្រួតពិនិត្យ អនាម័យបរិស្ថានតាមដងផ្លូវ នៅទំនប់រលក ស្ថិតក្នុងភូមិ៣ សង្កាត់ ១ ក្រុងព្រះសីហនុ ខេត្ត ព្រះសីហនុ ។
សកម្មភាពនេះបានធ្វើឱ្យ តាមដងផ្លូវមានរបៀបរៀបរយ ជាផ្លូវទេសចរណ៍នៅតំបន់ឆ្នេរ អេកូឡូស៊ី, ឆ្នេរព្រែកត្រែង និង ឆ្នេរអូរឈើទាល ហើយក៏ជា តំបន់សេដ្ឋកិច្ចពិសេសទៀតផង ប៉ុន្តែបើគិតពីការចុះរៀបចំ សណ្តាប់ធ្នាប់នាពេលកន្លងមក គឺបានល្អ ។
ប៉ុន្តែសព្វថ្ងៃនេះសកម្មភាព អាជីវករលក់ដូរនៅតាមដងផ្លូវ នៅទល់មុខកំពង់ផែសាធារណ ការ និងដឹកជញ្ជូនខេត្តព្រះសីហនុ មានការកកស្ទះយ៉ាង ខ្លាំងទាំង អ្នកលក់ដូរ និងម៉ូតូឌុបបានយក ផ្លូវសាធារណៈធ្វើជារបស់ខ្លួនមិន គិតពីអ្នកធ្វើដំណើរដទៃទៀត។
តាមសំដីពីប្រជាពលរដ្ឋនៅ តំបន់នោះបានឱ្យ“ពុទ្ធិខ្មែរ”ដឹង ថា ការចុះរៀបចំសណ្តាប់ធ្នាប់ ផ្សារលក់ដូរតាមដងផ្លូវនេះបាន ចុះជាច្រើនលើកច្រើនសាររួច មកហើយគឺដដែលៗទេ ដូចចក អណ្តែតទឹកអញ្ចឹង ពេលយក ដៃទាញឃើញទឹកយកដៃចេញ គឺចកពេញដដែល ហើយពួក គាត់បានលើកឡើងទៀតថាមិន ត្រឹមតែលក់ដូរប៉ុណ្ណោះទេ មាន ឡានកុងតៃន័របានចតជាពីរជួរ ថែមទៀត បានជាមានការស្ទះ យ៉ាងដូច្នេះ ចុះដល់អ្នកធ្វើដំណើរ និងអ្នកមានជំងឺទៅជាយ៉ាងណា? ពួកគាត់សំណូមពរដល់ឯកឧត្តម អភិបាលនៃគណៈអភិបាលខេត្ត ព្រះសីហនុជួយរឹតបន្តឹងកណ្តាប់ ដៃដែកដល់ជនមិនគោរពច្បាប់ ខាងលើនេះផងទាន ! ដើម្បី បញ្ចៀសការកកស្ទះ ៕
