ខេត្តតាកែវ-ដោយ: សុភ័ក្ត្រ
អបអរសាទរ ខួបលើកទី១០៧ ទិវាអន្តរជាតិនារី ០៨ មីនា ឆ្នាំ២០១៨ ក្រោមប្រធានបទ “ស្ត្រីរួមគ្នារក្សាសន្តិភាព ដើម្បីអភិវឌ្ឍន៍ជាតិ” នារសៀលថ្ងៃពុធ ៦រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៧ ខែមីនា ឆ្នាំ២០១៨ នៅទីស្នាក់ការគណបក្សប្រជាជនកម្ពុជា ក្រុងដូនកែវ ខេត្តតាកែវ។
ក្នុងទិវាដ៏មានអត្ថន័យនេះ បានការអញ្ជើញចូលពី លោកជំទាវអភិបាលរងខេត្ត លោកអភិបាលក្រុងដូនកែវ លោកស្រីអភិបាលរងក្រុង ក្រុមប្រឹក្សាក្រុង លោកស្រីជាជំទប់សង្កាត់ ក្រុមប្រឹក្សាសង្កាត់ ប្រធានភូមិ អនុភូមិ សរុបចំនួន ១០០នាក់។
ក្នុងឱកាសនោះដែរ ក្នុងនាម ឯកឧត្តម ហ៊ុន សុខា តំណាងឱ្យ ឯកឧត្តម ហ៊ូ វិចិត្រ ប្រធានក្រុមការងារចុះជួយក្រុងដូនកែវ ឯកឧត្តម សុខ ខាវ៉ាន់ អនុប្រធានក្រុមការងារចុះជួយក្រុងដូនកែវ បាននាំមកនូវការចូលរួមអបអរសាទរក្នុងពិធីនេះ ហើយបានប្រគល់ជូនវត្ថុអនុស្សាវរីយ៍ជូនបងស្រី ប្អូនស្រី ក្នុងម្នាក់សារុង១ ក្រមា១ រួមនឹងថវិកាចំនួន ៣០.០០០៛ (បីម៉ឺនរៀល) ផងដែរ។
