រាជធានីភ្នំពេញ-ដោយៈ សុភ័ក្ត្រ
យោងតាមសេចក្តីជូនដំណឹងរបស់សាលារាជធានីភ្នំពេញ លេខៈ០០១/១៨ សជណ.ច ចុះថ្ងៃចន្ទ ៧រោច ខែបុស្ស នព្វស័ក ព.ស.២៥៦១ ត្រូវនឹងថ្ងៃទី០៨ ខែមករា ឆ្នាំ២០១៨ បានឱ្យដឹងថា នៅយប់ថ្ងៃទី១០ ខែមករា ឆ្នាំ២០១៨នេះនឹងមានការចល័តយុទ្ធោបករណ៍ពីកងពលតូចថ្មើរជើងលេខ៧០ និងបញ្ជាការដ្ឋានអង្គរក្ស នៃកងយោធពលខេមរភូមិន្ទមួយចំនួនទៅកាន់មជ្ឈមណ្ឌលសន្និបាត និងពិព័រណ៍កោះពេជ្រ ដើម្បីដាក់តាំងពិព័រណ៍បង្ហាញដល់សាធារណជន។
ក្នុងនាម សាលារាជធានីភ្នំពេញ ចាត់ទុកជាការជម្រាបជូនបងប្អូនប្រជាពលរដ្ឋគ្រប់មជ្ឈដ្ឋាន កុំមានការយល់ច្រឡំ និងភ្ញាក់ផ្អើលចំពោះការចល័តយុទ្ធោបករណ៍សម្រាប់រៀបចំកម្មវិធីតាំងពិព័រណ៍សម្ភារយោធាទាំងអស់នេះ។
ចំពោះការចល័តយុទ្ធោបករណ៍ទាំងអស់នេះ គឺក្នុងគោលបំណងដើម្បីយកទៅតាំងពិព័រណ៍ក្នុងឱកាសដែលកងយោធពលខេមរភូមិន្ទរៀបចំការប្រកួតកីឡាកងយោធពលខេមរភូមិន្ទ នាថ្ងៃទី១០ ខែមករា ឆ្នាំ២០១៨ នៅមជ្ឈមណ្ឌលសន្និបាត និងពិព័រណ៍កោះពេជ្រតែប៉ុណ្ណោះ។
សេចក្តីពិស្តារ មានដូចខាងក្រោម÷
